ಒಂದು ಹೊಸ ಬ್ಲಾಗ್ ಶುರು ಮಾಡ್ಬೇಕು ಅಂತ ತುಂಬಾ ದಿನದಿಂದ ಯೋಚಿಸ್ತಾಯಿದ್ದೆ. ದಿನ ನಿತ್ಯದ ಆಗು ಹೋಗುಗಳ ಬಗ್ಗೆ, ರಾಜಕೀಯ, ಸಿನಿಮಾ, ಮಾಧ್ಯಮ, ಸಾಹಿತ್ಯ ಹೀಗೆ ಹಲವಾರು ಕ್ಷೇತ್ರಗಳಲ್ಲಿ ನನಗನಿಸಿದ್ದನ್ನು ದಾಖಲಿಸುತ್ತ ಹೋಗಬೇಕು ಅಂತ ಅನಿಸುತ್ತಾಯಿತ್ತು. ಬ್ಲಾಗ್ ಗೆ ಹೆಸರಿಡಬೇಕಲ್ಲ, ಏನಪ್ಪ ಹೆಸರಿಡೋದು ಅಂತ ಎರಡು ಮೂರುದಿನ ತಲೆ ಕೆರೆದುಕೊಂಡೆ. ಕೂದಲು ಮಾತ್ರ ಬಿತ್ತು, ಹೆಸರು ಮಾತ್ರ ಹೊಳೀಲಿಲ್ಲ.
ಒಂದು ದಿನ ಒಂದು ಹೆಸರು ಹೊಳೆಯಿತು ನೋಡೀ "ನಿರಂತರ" ಅಂತ. ಅದನ್ನ ಯಾಕೆ ಹಿಡಿದುಕೊಂಡೆ ಅಂದರೆ,
ಬದುಕು ನಿರಂತರ
ಕಾಯಕ ನಿರಂತರ
ಹೋರಾಟ ನಿರಂತರ
ರಾಜಕೀಯ ನಿರಂತರ
ಸುದ್ದಿ ಪ್ರಸಾರ ನಿರಂತರ
ಚಿತ್ರ ನಿರ್ಮಾಣ ನಿರಂತರ
ಉಳಿವಿಗಾಗಿ ಹೋರಾಟ ನಿರಂತರ
ಉಂಡು ಮಲಗೋದು.......... ನಿರಂತರ
ಅಬ್ಬಬ್ಬ ಎಲ್ಲನೂ ನಿರಂತರ ನೋಡೀ, ಸರಿ ಇದೇ ಇರಲಿ ಅಂತ ಶುರು ಮಾಡಿದೆ.
ಅಂದ ಹಾಗೆ ಈ ಬರೆಯುವ ಕಾಯಕ ಮತ್ತು ನಿಮ್ಮೆಲ್ಲರ ಹಾರೈಕೆ ನಿರಂತರ ವಾಗಿರಲಿ ಎಂದು ಆಶಿಸುತ್ತ,
ಇಂತಿ
ನಿಮ್ಮ ಪ್ರೀತಿಯ,
ಪಿ.ಎಸ್.ರಂಗನಾಥ
ಸರಿಯಾದ ಹೆಸರು ಹುಡುಕಿದ್ದೀರಾ !!!
ಪ್ರತ್ಯುತ್ತರಅಳಿಸಿ